عشق کا رازداں بھی ہو کوئی
عشق کا رازداں بھی ہو کوئی
حالِ دل پھر بیاں بھی ہو کوئی
ہم لُٹا دیں گے جان کو اپنی
ہاں ، مگر جانِ جاں بھی ہو کوئی
تو ہے گر بے مِہر تو کیا غم ہے؟
ہاں مگر ، مہرباں بھی ہو کوئی
ہو محبت اگر زمانے میں
پھر زمان و مکاں بھی ہو کوئی
بول کچھ دل جلوں کے حق میں مگر
تیرے منہ میں زباں بھی ہو کوئی
دشت کو تھا کشاں کشاں حمادؔ
نقشِ پا کا نشاں بھی ہو کوئی
حماد یونس
صدائے رستاخیز
کوئی تبصرے نہیں:
ایک تبصرہ شائع کریں